සිංහල
චතුර සමඟ කතාබහක්
තාක්ෂණය, අධ්යාපනය සහ ශ්රී ලාංකික තරුණයන්ගේ අනාගතය ගැන සුරංග කතා කරයි.
අභියෝගය
ඔබේ ජයග්රහණයේ කතාව ඔබම ලියන්න
Intimidated? The lecture I never gave — සිංහල පරිවර්තනය
වඩා හොඳ ජීවිතයක් ගැන සිහින දකින, එහෙත් සම්පත් සීමාවන් සහ ආත්ම විශ්වාසය අඩුවීම නිසා පසුබට වී සිටින ඔබ වෙනුවෙන්.
ඔබේ ජයග්රහණයේ කතාව ඔබම ලියන්න
මේ කොලුගැටයා අයිති වන්නේ පහළ මධ්යම පන්තියට. ගෙදර වියහියදම් පියවෙන්නේ අම්මගේ තනි පඩියෙන්. ජීවිතය දකින්න පටන් ගත්තේ සිංහල විතරක් කතා කරන, කවුරුවත් ඒ තරම් අහල නැති ටවුමක. ස්මාට් දුරකථනයක් තියා පරිගණකයක්වත් පාවිච්චි කරන්නවත් හුරුවක් නෑ. කොටින්ම කිව්වොත් ලෝකෙ කොහෙවත් දැකල නැති ගොඩේ කොල්ලෙක්.
ඒත් ඔහුට පුළුවන් වුණා ශිෂ්යත්වය සමත් වෙලා රාජකීය විදුහලට පියනගන්න. උසස් පෙළ ගණිතය විෂයෙන් දිවයිනේම පස්වැනියා බවට පත්වෙන්න. ඔහුට ශක්තිය තිබුණා තනියෙන් සිංගප්පූරුවට යාගන්න. අම්මා දාඩිය මහන්සියෙන් හම්බ කරපු රුපියල් ඉතිරි කරල ඩොලර් 1000කට හරවපු චෙක් එකත් අතේ තදකරගෙන ඔහු සිංගප්පූරුව බලා පිටත් වන්නේ ඉලෙක්ට්රොනික විද්යාව හදාරන්න. ඉංග්රීසියෙන්!
පසුව සිංගප්පූරු ජාතික විශ්වවිද්යාලයේ ඉලෙක්ට්රොනික විද්යාව පිළිබඳ ගෞරව උපාධියක් හදාරනවා පමණක් නොවේ, එම කණ්ඩායමේ පළමුවැනියා බවට ද පත් වෙනවා. MIT Media Lab එකේ පුහුණුවක්ද ලබනවා. ශාස්ත්රීය ලෝකයේ හිණිපෙත්තට ම ගොස් මහාචාර්යවරයෙකු බවට පත් වෙනවා. ජාත්යන්තරව පිළිගත් Augmented Human Lab කියන විද්යාගාරය බිහිකොට එහි අධ්යක්ෂකධුරයට පත් වෙනවා. 180කට අධික පර්යේෂණ පත්රිකා ප්රමාණයක්, 40කට වැඩි ප්රධාන පෙළේ සම්මාන වගේම පේටන්ට් ගණනාවක හිමිකරු බවට පත් වෙනවා.
ඔහුගේ ජීවන ගමනෙහි පය පැටලුණු තැන් බොහොමයි. වැරදියටම කටයුතු කළ අවස්ථා බොහොමයි. සියලු බාධක අභිභවා ජයග්රහණය කළ අවස්ථා බොහොමයි. ඒ තුළ ඔබටද ලද හැකි ආදර්ශ බොහොමයි. අපමණයි. ඒ තුළ ඔබේ ජීවන කතාවද ආවර්ජනය කරගන්න පුළුවන්. ඒ තුළ ඔබේ අනාගතයද දැකගත යුතුයි.
මේ ඔබ කියවන්නේ නිකම්ම නිකම් ගොඩේ කොල්ලෙකුගේ කතාව නොවේ. නිකම්ම නිකම් ගොඩේ කොල්ලෙකුව සිට අසාමාන්ය ජීවන වෘත්තාන්තයක් ගොඩනගාගත් මිනිසෙකුගේ කතාවයි.
මේ මහාචාර්ය සුරංග නානායක්කාරගේ කතාවයි.
සුරංග ගැන
මම පැමිණියේ සාමාන්ය, පහළ මධ්යම පාන්තික පවුලකිනි. මුළු පවුලම නඩත්තු වූයේ එක් ආදායමකින් — මගේ අම්මාගේ වැටුපෙනි. හැදී වැඩෙන කාලයේ මම කතා කළේ සිංහලෙන් පමණි; පරිගණකයක් හෝ ස්මාර්ට් දුරකථනයක් භාවිත කර තිබුණේ නැත; කොහේවත් ගොස් ද තිබුණේ නැත. කෙසේ හෝ, අම්මා දහඩිය මහන්සියෙන් උපයාගත් ඩොලර් 1,000ක් සාක්කුවේ තබාගෙන, ඉංග්රීසි මාධ්යයෙන් පරිගණක විද්යාව හැදෑරීමේ අධිෂ්ඨානයෙන්, තනිවම සිංගප්පූරුවට යාමට තරම් ධෛර්යයක් මම එකතු කර ගත්තෙමි.
එතැන් සිට, මම මගේ කණ්ඩායමේ ප්රථමයා ලෙස උපාධිය ලබා ගත්තෙමි; එම්.අයි.ටී. මීඩියා ලැබ් (MIT Media Lab) ආයතනයේ පුහුණුවක් ලැබුවෙමි; ශාස්ත්රීය ක්ෂේත්රයේ පියවරෙන් පියවර ඉහළට ගොස්, සිංගප්පූරු ජාතික විශ්වවිද්යාලයේ (National University of Singapore) මානව–පරිගණක අන්තර්ක්රියා විෂය පිළිබඳ ස්ථිර මහාචාර්යවරයෙකු බවට පත් වීමි. ඉගැන්වීමට අමතරව, ලොව පුරා පිළිගැනීමට ලක් වූ ඔග්මන්ටඩ් හියුමන් ලැබ් (Augmented Human Lab) නම් පර්යේෂණාගාරය ද මම මෙහෙයවමි.
මම කිසිවෙක් නොදන්නා පවුලක, පුංචි නගරයක ජීවත් වූ අයෙක්. එහෙත් අසාමාන්ය ජීවිතයක් මට ගොඩනඟා ගත හැකි විය. මේ පොතේ බෙදාගන්නා පාඩම් තුළින්, මාගේ පාඨකයන් තමන්ගේම ජයග්රහණ ගැන නැවත සිතා බලා ඒවා සැමරීමටත්, ඊටත් වඩා විශාල සිහින දැකීමටත් පෙලඹෙනු ඇතැයි මම බලාපොරොත්තු වෙමි.
සම්මාන හා පිළිගැනීම්
- MIT Tech Review විසින් ආසියා පැසිෆික් කලාපයේ වයස 35ට අඩු තරුණ නව නිපැයුම්කරු (TR35 සම්මානය)
- ශ්රී ලංකාවේ විශිෂ්ට තරුණයන් (Outstanding Young Persons of Sri Lanka — TOYP)
- අයි.බී.එම්. ෆෙලෝෂිප් 2018 (IBM Fellowship 2018)
- ඕක්ලන්ඩ් විශ්වවිද්යාලයේ (University of Auckland) පර්යේෂණ විශිෂ්ටතා පදක්කම, 2020
මාධ්ය
සිංහල
ආත්ම විශ්වාසය ගොඩනඟා ගැනීම
බාධක බිඳ දැමීම, අවිනිශ්චිතභාවය වැලඳ ගැනීම සහ තමන්ගේම මඟ සොයා ගැනීම ගැන විවෘත සංවාදයක්.
සිංහල
ITN වෙනස
තමාගේ පර්යේෂණාගාරය, පර්යේෂණ සහ සිසුන්ට වඩා විශාල සිහින දැකීමට උදව් කරන ආකාරය ගැන සුරංග කතා කරයි.
ඉංග්රීසි
පොත පිටුපස කතාව
“Intimidated? The lecture I never gave” පොත ලිවීමට හේතු වූ පෞද්ගලික ගමන සහ අභිප්රේරණය සුරංග බෙදා ගනී.
ඉංග්රීසි
CNA සමඟ සම්මුඛ සාකච්ඡාව
නවෝත්පාදනය, අධ්යාපනය සහ ශ්රී ලංකාවේ සිට සිංගප්පූරුව දක්වා වූ ඔහුගේ ගමන ගැන සුරංග කතා කරයි.
ඉංග්රීසි
INK Fellow 2016
නිර්භීත අදහස් සහ ආස්වාදජනක කතා සඳහා වේදිකාවක් වන INK Talks හිදී සුරංග තමාගේ කතාව බෙදා ගනී.
- Metro Magazine — How inventor Suranga Nanayakkara is humanising technology
- Smithsonian — Inside Professor Nanayakkara’s Futuristic Augmented Human Lab
- Echelon — Making Technology more Humane
- Ada Derana — Young inventor, engineer, AI expert share his “secret formula” for success
- The Sunday Times — Creating the next generation of innovators
අදම ඔබේ පිටපත ලබා ගන්න
- පාසල් පුස්තකාල පොතක් වශයෙන් අධ්යාපන අමාත්යාංශයේ අනුමතය ලබා ඇත.
- හැම දෙනාටම දරාගත හැකි මුදලකට දැන්ම ලබාගත හැක.